Gudoomiyaha degaanka Garasbaaleey ee Duleedka Magaalada Muqdisho ayaa waxaa marka hore uu dhaawac culus kasoo gaaray qarax lala eegtay gaari uu saarnaa, dhaawacaas oo uu ugu dambeyn u geeriyooday.
Alle ha u Naxariistee Maxamed Abuukar Afrax ayaa xilliga qaraxa lala beegsanayay gariga uu saarnaa waxaa uu marayay inta u dhaxeysa Degmada Kaxda iyo deegaanka Garasbaaleey Gaar ahaan waaxda Fooriloow.
Mas’uuliyiin ka tirsan Maamulka degaanka Garasbaaleey ayaa Radio Baidoa u xaqiijiyay geerida Guddoomiyihii degaanka, waxaana jira sidoo kale dhaawac ka dhashay qaraxaas.
30 kii Bishii May ee Sanadkan ayaa Gudoomiyaha Gobolka Banaadir wax uu u Magacaabay Gudoomiyaha Deegaanka Garasbaaleey ee maanta la dilay, kaas oo bedelay Gudoomiyihii Isaga ka horeeyay ee Cabdiraxmaan Axmed Cali Garyare oo isna qarax lagu dilay.
